في ليلة من الليالي اسدى والد لولده حكمة فقرر ان يتثبت الابن من صحتها
فذهب وخاوى أمير في ديرته وصار خويه الروح بالروح ...
و الأمير ما يطيب له المجلس إلا إذا كان هالشاب فيه ..
وكان للأمير مزرعة نعام وكانت عنده نعامة غالية
راح الولد وأخذ النعامة ودسها في مكان في المزرعة
وراح لسوق الغنم وشرى خروف وذبحه وقطعه وجابه في خيشه آخر الليل لأمه
فسالته امه ماهذا فقال هذا لحم نعامة للامير
فقلت مايستاهلها غيرك يالغالية..بس تكفين لا تعلمين أحــــد ..
عشان لو درى أحد بيوصل الكلام للأمير ويقطع راسي.
الأم قالت : و لايهمك ياولدي .. مجنونه أنا أفضح سرك واموتك بيدي؟ جعل يومي قبل يومك
من اليوم الثاني عزمت أمه جارتهم على اللحم ..فقالت الضيفه اللــــــــــــــــه ماالذ هاللحم من فين لكم هاللحم الطيب؟
قالت الأم أقولك بس سري في بير؟
ردت الضيفه سرك في بير يا وخيتي افا عليك ...
قالت الأم لجارتها السالفة وحلفتها ما تقول لأحد عشان
ما ينذبح ولدها
طبعا الأم يوم علمت الجارة كان قصدها مفاخرة بولدها ...
يوم بعد يوم السالفة انتشرت بين الحريم في الديرة.
ووصلت للرجال وفي الأخير وصلت للأمير اللي عصب
و طلب من الحرس إنهم يجيبون الولد ويحطونه في السجن لين يجي يوم ويقيمون عليه الحد.
الولد طلب من الحارس إنه يروح للأمير ويقول له إن النعامة لـ الحين موجوده في مزرعته
بس خاشها في حوش بعيد عن باقي النعام وإنها بخير.
الأمير طلع الولد و اعتذر منه وحاول يعوضه بس الولد رفض وقال رحمك الله يابوي لقد كنت بصدق نعم الناصح .فلاسر انكتم ولا صحبة نفعت وشفعت
وهذي بس نعامه أجل لو كانت شي أكبر من كذا
وش كان بيصير فيني ...!!!!!
ليست هناك تعليقات:
إرسال تعليق